Day: August 24, 2025

İran kəşfiyyatı ölkənin cənub-şərqindəki Sistan və Bəlucistan əyalətində terrorçu qrupu zərərsizləşdirib. SİA “Mehr” agentliyinə istinadən xəbər verir ki, döyüş sursatı ilə silahlanmış qeyri-İran vətəndaşları ilə kəşfiyyat qüvvələri arasında saatlarla davam edən toqquşma nəticəsində terrorçulardan 6-sı zərəsizləşdirilib, 2-si isə sağ ələ keçirilib. Əməliyyat zamanı iki zabit və bir polis əməkdaşı da xəsarət alıb. Qeyd olunub ki, terror qrupu Şərqi İranda “kritik obyekt”i hədəf almağı planlaşdırırdı.

Amerika Birləşmiş Ştatlarının Pittsburq şəhəri (Pensilvaniya ştatı) yaxınlığında avtobus qəzaya uğrayıb. Qəza nəticəsində Amerikanın gənclərdən ibarət futbol komandasının azı 21 futbolçusu xəsarət alıb. SİA xəbər verir ki, bu barədə “Associated Press” (AP) məlumat yayıb. Məlumata görə, avtobusda 25 futbolçu və onları müşayiət edən üç böyük olub. Polis hadisənin səbəblərini müəyyənləşdirmək üçün araşdırmalara başlayıb.

Ukrayna Silahlı Qüvvələri dronlardan istifadə edərək Rusiyanın Bryansk şəhərinin Sovetskiy rayonuna hücum həyata keçirib. SİA xəbər verir ki, bu barədə Bryansk vilayətinin qubernatoru Aleksandr Boqomaz məlumat yayıb. Onun sözlərinə görə, xəsarət alan olmayıb. “Çoxmənzilli binalardan birinin fasadı və şüşələri zədələnib”, – deyə qubernator əlavə edib.

Rusiyaya kütləvi pua hücumu olub

Ermənistan ilə Rusiya arasında yenidən gərginlik yaranıb. Rusiya bu dəfə Ermənistandan ixrac olunan kənd təsərrüfatı məhsullarını geri qaytarıb. SİA xəbər verir ki, bu barədə Ermənistan mediası məlumat yayıb. Bildirilir ki, Gürcüstan vasitəsilə Rusiyaya ixrac edilən kənd təsərrüfatı məhsulları ilə dolu yük maşınları Ermənistana geri qayıdır. Rusiya tərəfinin iddiasına görə, Ermənistandan Rusiyaya ixrac olunan məhsullar fitosanitar tələblərə cavab vermir. Rusiya tərəfi bir qədər əvvəl digər yükləri, xüsusilə də tikinti materialları daşıyan avtomobilləri ciddi yoxlayıb.

Rusiyada Yer yerindən oynadı

Şimali Koreya ordusu növbəti raket sınağını həyata keçirib. SİA xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb. Agentlik qeyd edir ki, sınaqlar yeni hava hücumundan müdafiə sisteminin imkanlarını üzə çıxarıb. Raketlər müxtəlif hava hədəflərini məhv etmək üçün nəzərdə tutulub.

Suriyada Əs-Süveyda əyalətində ən azı 30 silahlı qruplaşma radikal druz şeyxi Hikmət əl-Həcərinin rəhbərliyi altında birləşərək özlərini “milli qvardiya” adlandırıblar. SİA xəbər verir ki, bu barədə “Syria TV” məlumat yayıb. Məlumata görə, “milli qvardiya”nın vəzifələrinə “sərhədlərin qorunması, silahlı şəxslərin, silah və narkotik qaçaqmalçılığının qarşısının alınması” daxil olacaq. Bundan əlavə, o, əyalətin güc və hərbi qurumlarının “gələcəkdə dövlət strukturuna inteqrasiyasına hazırlıq çərçivəsində” təşkili üzərində işləyəcək. Öz növbəsində, “Asharq al-Awsat” qəzeti qeyd edib ki, bəzi məlumatlara görə, “milli qvardiya”nın sayı 4-5 min döyüşçüyə çata bilər. Nəşr həmçinin bildirib ki, druz liderləri arasında…