Azərbaycan Respublikasının Minatəmizləmə Agentliyi (ANAMA) Horadiz regional əməliyyat mərkəzində “İlməkçi” vəzifəsində işləmək istəyənlər üçün sənədlərin qəbulunu elan edir. Bu barədə SİA-ya agentliyin İctimaiyyətlə əlaqələr şöbəsindən məlumat verilib.
Bildirilib ki, namizədlərin müvafiq sahədə peşə təhsili (peşə təhsilinə dair təsdiqedici sənədlər) olmalıdır.
Təminatlar:
– Əməkhaqqı ilə yanaşı, çalışdığı müddət ərzində işçiyə səmərəli fəaliyyətinə görə mükafatların verilməsi;
– Gündə 3 dəfə yeməklə təminedilmə;
– Yaşayış yeri ilə təminolunma.
Maraqlananlar əlaqə telefonu göstərməklə aşağıdakı sənədləri [email protected]ünvanına göndərməlidirlər.
– müvafiq vəzifəyə sənədlərin təqdim olunmasına dair ərizə;
– şəxsiyyət vəsiqəsinin surəti;
– təhsilə dair sənədlərin surəti (diplom, attestat, sertifikat, vəsiqə, arayış və s.);
– əmək kitabçasının surəti.
Sənəd qəbulu sentyabrın 30-dək həyata keçiriləcək.
Əlavə məlumat üçün “805” qaynar xəttinə müraciət etmək olar.
