Dağıstanın Xasavyurt rayonunun Sulevkent kəndi yaxınlığındakı yanacaqdoldurma məntəqəsində güclü partlayış baş verib.
SİA xəbər verir ki, hadisə yerindən şahidlərin videogörüntüsünü “Tut Dağıstan” Telegram kanalı yayıb. “Xasavyurt rayonunun Sulevkent kəndində yanacaqdoldurma məntəqəsində partlayış baş verib”, – məlumatda deyilir. Görüntülərdə partlayışın özü və yerli sakinlər görünür, onlardan bəziləri nə baş verdiyini öyrənmək üçün yanacaqdoldurma məntəqəsinə qaçıblar.
Baza-nın məlumatına görə, hadisə nəticəsində iki nəfər yaralanıb.
Hələlik bunun rəsmi təsdiqi yoxdur.
Sentyabr ayında Mahaçqala şəhər rayonunun Novıy Xuşet kəndində yanacaqdoldurma məntəqəsində iki partlayış və sonra yanğın baş verib.
Hadisə nəticəsində insanlar xəsarət alıb.
Fövqəladə xilasetmə işləri yalnız oktyabrın 1-də tam başa çatdırılıb.
Dağıstanın rəhbəri Sergey Melikov qeyd edib ki, insident “Daggaz” ASC-nin xidmət göstərdiyi qaz kəmərinin vəziyyəti ilə bağlı ola bilər.
Əli Babayev
