…Ukrayna Müdafiə Qüvvələrinin avqustun 30-da müvəqqəti işğal olunmuş Krıma təşkil etdiyi iddia edilən kütləvi hücum nəticəsində ən azı bir Rusiya helikopteri məhv edilib, 6 kater zədələnib.
SİA xəbər verir ki, bu barədə bazar günü, avqustun 31-də mənbələrə istinadən Astra məlumat yayıb.
Şənbə günü səhər saatlarında işğal olunmuş Simferopoldakı hava limanı pilotsuz təyyarələrin hücumuna məruz qalıb – azı iki PUA onların hədəfini vurub.
Dronlardan birinin hərbi Mi-8 helikopterini tamamilə məhv etdiyi məlum olub.
Həmçinin avqustun 30-da səhər saatlarında Ukraynanın Neptun raketləri Rusiya sərhəd zastavasının ərazisində Voloşino kəndi yaxınlığındakı sərhəd zonasına hücum edib. Zərbələr nəticəsində, mənbənin məlumatına görə, altı hava gəmisi zədələnib, bir rus hərbçisi həlak olub.
Bundan əlavə, 1 PUA həmin ərazidəki hərbi kazarmaya düşüb. Bu hücumun nəticələri hələlik məlum deyil.
Əli Babayev
