Day: August 31, 2025

…Kalininqrad vilayətində məktəbli qız vəhşicəsinə döyülüb. SİA-nın rus saytlarından əldə etdiyi məlumata görə, bu barədə Amber Mash Telegram kanalı məlumat yayıb. Telekanalın məlumatına görə, Qusevdəki stadionda qızın üzündən, başından zərbələr endirilib, saçları yolunub. Qurbanın qışqırtılarını yeniyetmələrin gülüşü boğub. Yoldan keçən bir nəfər baş verənləri görüb və döyülməyə mane olmağa çalışıb. Lakin qurbanı sadəcə olaraq stadiondan borulara aparıblar və döyməyə davam ediblər. Orada gülən müşahidəçilər artıq işgəncəni kəsmişdilər. Polis bütün iştirakçıları müəyyənləşdirib, araşdırma aparılır. …Bundan əvvəl Moskvada yeni doğulmuş körpəsini tualetə atan anaya qarşı iş açılıb. Nazlı Almuradova

SİA-nın məlumatına görə, TASS xəbər verir ki, Pekində keçirilən Şanxay Əməkdaşlıq Təşkilatının (ŞƏT) sammiti çərçivəsində Rusiya prezidenti Vladimir Putin Ermənistanın baş naziri Nikol Paşinyanla görüşüb. Hər iki lider rəsmi proqramı sentyabrın 1-də başlayacaq ŞƏT-in Tyantszin forumunda iştirak edir. Bu görüş Rusiya prezidentinin Çinə dördgünlük səfəri cədvəlində nəzərdə tutulmayıb. İki lider arasında keçiriləcək danışıqların gündəliyi açıqlanmayıb. Bundan əvvəl Paşinyan eyni vaxtda Avropa Birliyində olmağın mümkünsüzlüyünə görə Ermənistanın Avrasiya İqtisadi İttifaqından çıxmasına icazə verib. İyulda Avropa diplomatiyasının rəhbəri Kaya Kallas demişdi ki, Brüssel Yerevanla münasibətləri mümkün qədər dərinləşdirməyə hazırdır. Əli Babayev

Rusların itkilərinin tam siyahısı… …Ukrayna Müdafiə Qüvvələrinin avqustun 30-da müvəqqəti işğal olunmuş Krıma təşkil etdiyi iddia edilən kütləvi hücum nəticəsində ən azı bir Rusiya helikopteri məhv edilib, 6 kater zədələnib. SİA xəbər verir ki, bu barədə bazar günü, avqustun 31-də mənbələrə istinadən Astra məlumat yayıb. Şənbə günü səhər saatlarında işğal olunmuş Simferopoldakı hava limanı pilotsuz təyyarələrin hücumuna məruz qalıb – azı iki PUA onların hədəfini vurub. Dronlardan birinin hərbi Mi-8 helikopterini tamamilə məhv etdiyi məlum olub. Həmçinin avqustun 30-da səhər saatlarında Ukraynanın Neptun raketləri Rusiya sərhəd…

Ağ Ev rəhbəri Donald Trampın oğlu Erik Tramp gələcəkdə ABŞ Prezidenti postuna namizəd ola biləcəyini istisna etməyib. SİA xəbər verir ki, E.Tramp bu barədə Yaponiyanın “Nikkei” qəzetinə müsahibəsində deyib. “Mən “yox” demirəm, amma “hə” də demirəm”, – o bildirib. E.Tramp hazırda “World Liberty Financial” kriptovalyuta şirkətini idarə edir. Trampın özü avqustun 5-də bildirib ki, böyük ehtimalla bir daha prezident seçkilərində iştirak etməyəcək. ABŞ Konstitusiyası eyni şəxsin iki dəfədən artıq dövlət başçısı vəzifəsinə seçilməsini qadağan edir.

Qara dənizdə mülki gəmi minaya düşüb. SİA xəbər verir ki, bu barədə Ukrayna Hərbi Dəniz Qüvvələrinin spikeri Dmitri Pletençuk məlumat verib. Onun sözlərinə görə, partlayış zamanı heyət üzvləri arasında xəsarət alan olmayıb: “Hazırda gəmiyə baxış keçirilir. Ola bilsin ki, gəmi hərəkətə davam edəcək”. Ukrayna Teleqram kanallarının məlumatına görə, minaya güşən Beliz bayrağı altında üzən “NS Pride” adlı yük gəmisidir.