Day: September 1, 2025

Təhlükəsizlik zəmanətləri prioritetdir… …ABŞ-ın Donald Tramp administrasiyasının Ukraynadakı müharibəni həll etmək üçün atdığı son diplomatik addımlar müxtəlif nəticələr verib. Alyaskada Putinlə görüş gözlənilən atəşkəsə, hətta minimum məqsədə – Kreml rəhbəri ilə Ukrayna prezidenti Vladimir Zelenskinin Trampın iştirakı ilə görüşünə dair razılaşmaya da nail olunmadı. SİA-nın məlumatına görə, bu barədə “Foreign Affairs” jurnalı yazır. …Buna baxmayaraq, Zelenski və Avropa liderlərinin iştirakı ilə Vaşinqtonda keçirilən növbəti sammit daha məhsuldar oldu: Ukrayna üçün təhlükəsizlik təminatları müzakirə edildi. Ekspertlər vurğulayırlar ki, danışıqlar iki mərhələdə aparılmalıdır. Əvvəlcə ABŞ, Ukrayna və…

Ən bahalı yemək isə Braurosl çadırında təqdim olunacaq biftek olacaq… …Münhendə (Almaniya) Oktoberfestdə bu il bir stəkan pivədən daha çox suya pul ödəyə bilərsiniz. SİA-nın əldə etdiyi məlumata görə, bu barədə BILD yazır. Bir litr pivə çadırdan asılı olaraq 14,50-15,80 avro arasında olacaq. Müqayisə üçün qeyd edək ki, 2019-cu ildə qiymətlər 10,80-11,80 avro səviyyəsində olub ki, bu da altı il ərzində demək olar ki, 40 faiz artım deməkdir. Bir litr su bəzi nöqtələrdə 15 avrodan baha olacaq. Bir şüşə mineral suyun orta qiyməti 10,95 avro təşkil edir.…

ABŞ Prezidenti Donald Trampın Qəzzanın yenidən qurulması planı açıqlanıb. SİA xəbər verir ki, bu barədə “The Washington Post” yazıb. Nəşrin məlumatında bildirilir ki, plan anklavın ən azı 10 il müddətinə ABŞ protektoratı altında olmasını nəzərdə tutur. Bundan əlavə, plana anklavın bütün sakinlərinin müvəqqəti köçürülməsi də daxildir. Qeyd edək ki, bir müddət əvvəl Amerika lideri Qəzza zolağında vəziyyətin çox tez həllinə ümid etdiyini bildirib. “Ümid edirəm ki, biz Qəzza ilə bağlı məsələləri çox tez həll edəcəyik”, – deyə Tramp bildirib.

Əfqanıstanda 6 bal gücündə zəlzələ baş verib. SİA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Zəlzələ Əsədabad şəhərindən 34 km cənub-qərbdə baş verib. Zəlzələ ocağı Yerin 10 km dərinliyində yerləşib. Tələfat və dağıntılar barədə məlumat yoxdur.

Husilər Yəməndə BMT-nin 11 nümayəndəsini saxlayıblar. SİA xəbər verir ki, bu barədə BMT Baş katibinin Yəmən üzrə xüsusi nümayəndəsi Hans Qrundberq bildirib. O, BMT əməkdaşlarının qanunsuz həbslərinin yeni dalğasını, həmçinin təşkilatın binalarına zorla daxil olmanı, əmlakların müsadirə edilməsini qətiyyətlə pisləyib. “Saxlanılardan əlavə BMT-nin daha 23 əməkdaşı həbsdədir. Onlardan bəzisi 2021 və 2023-cü ildən saxlanılıb”, – deyə Qrundberq bildirib. Həmçinin qeyd olunub ki, bu ilin əvvəlində bir məhbus həbsdə ölüb. Qrundberq BMT-nin bütün işçilərini, həmçinin yerli və beynəlxalq QHT işçilərini dərhal azad edilməsini tələb edib.

Böyük Britaniyanın Qahirədəki səfirliyi müvəqqəti bağlanıb. SİA xəbər verir ki, bu barədə Britaniya diplomatik missiyasının “Facebook” səhifəsində məlumat verilib. Buna səbəb Misir hakimiyyətinin səfirliyin mühafizəçilərini geri çağırması olub. “Bazar günü, avqustun 31-də Misir hakimiyyəti Böyük Britaniyanın Qahirədəki səfirliyinin əsas binasını mühafizə edən təhlükəsizlik qüvvələrini geri çəkmək qərarına gəlib. Bunun fonunda, səfirlik binasının vəziyyət dəyişənə qədər bağlanması qərara alınıb”, – məlumatda deyilir. Misir rəsmiləri hadisə ilə bağlı hələlik şərh verməyib.

Qırmızı dənizdə, Səudiyyə Ərəbistanının Yanbu şəhəri sahillərinə yaxın ərazidə Liberiya bayrağı altında üzən və İsrailə məxsus olan bir tankerə hücum edilib. SİA xəbər verir ki, bu barədə “Reuters” agentliyi dəniz təhlükəsizliyi sahəsində ixtisaslaşmış Britaniya şirkəti “Ambrey”ə istinadla məlumat yayıb. Britaniya Hərbi Dəniz Qüvvələrinin Dəniz Ticarət Daşımalarının Koordinasiya Mərkəzinin (UKMTO) məlumatına görə, hadisə Yanbudan cənub-qərbdə, 40 dəniz mili məsafədə baş verib. Gəmi heyəti “gurultulu partlayış” səsi eşidib və naməlum mərmidən sıçrayışlar görüb. Hadisə nəticəsində xəsarət alan olmayıb. “Ambrey” şirkəti daha sonra bildirib ki, gəmi İran tərəfindən dəstəklənən Yəmən husiləri üçün “uyğun…