Day: September 5, 2025

“Antiterror əməliyyatları Azərbaycanın müasir tarixinə qızıl hərflərlə yazılmalıdır. Antiterror əməliyyatları nəticəsində Azərbaycan öz suverenliyini bərpa etdi”. Bu sözləri SİA-ya açıqlamasında politoloq İlyas Hüseynov deyib. Onun sözlərinə görə, ölkə ərazisində qondarma rejimə son qoyuldu: “Daha sonra Yevlaxda tarixi görüş keçirildi. Birinci Qarabağ müharibəsində erməni silahlı dəstələri azərbaycanlıları qıraraq Yevlaxa qədər öz hərbi planlarını yerinə yetirməyə çalışır və Kürü sərhəd kimi görürdülər. Bu baxımdan Yevlaxda yeni Azərbaycan tarixinin yeni mərhələsi icra olundu. Separatçıların rəhbərləri ilə görüşdə mühüm qərarlar qəbul olundu. Azərbaycan dövləti tərəfindən təqdim edilən reinteqrasiya planı ərazi bütövlüyü, suverenlik və vətəndaş…

Beynəlxalq Xeyriyyəçilik Günündə Ukraynanın Azərbaycandakı səfirliyi ukraynalı uşaqlar üçün əşyalar göndərən hər kəsə səmimi təşəkkürünü bildirib. SİA xəbər verir ki, bu barədə Ukraynanın Bakıdakı səfiri Yuri Qusev feysbuk sosial şəbəkəsində yazıb. Onun sözlərinə görə, avqust ayında isti geyim, ayaqqabı və dəftərxana ləvazimatlarını toplamaq, çeşidləmək və Ukraynaya göndərmək üçün hazırlamaq mümkün olub: “Bunlar Sumı Uşaqların Sosial-Psixoloji Reabilitasiya Mərkəzinin tərbiyəçilərinə, həmçinin Rusiya təcavüzü səbəbindən evlərini tərk etmək məcburiyyətində qalan Baxmut, Pokrovsk, Mirqorod, Xerson və Sumı vilayətlərindən olan ailələrin uşaqlarına veriləcək”. Y.Qusev qeyd edib ki, toplanmış bütün əşyalar yaxın zamanda Ukraynaya göndəriləcək: “Birlikdə…

Şəxsi maraqlarını milli mənafedən üstün tutan, ayrı-ayrı Qərb ölkələrində mühacir adı ilə məskunlaşan antimilli ünsürlər, eyni zamanda, AXCP sədri kərimov əli sosial şəbəkələrdəki çıxışları ilə özlərini davamlı şəkildə ifşa etməkdədirlər. “Moizələri” onların ölkəmizdə və dünyada baş verən ictimai-siyasi prosesləri anlamadıqlarını ortaya qoyur. Mənəvi-psixoloji burulğanlar girdabında çırpınan bu ünsürlər dövlətimizin uğurlarını, müstəqil siyasətini həzm edə bilməyən antiAzərbaycan qüvvələrin pərdə arxasından idarə etdikləri prosesin iştirakçılarıdırlar. Daha doğrusu, ölkəmizə qarşı aparılan informasiya müharibəsində utanmadan qarşı cəbhədə yer alırlar. Azərbaycana qarşı çirkin niyyətlərini gerçəkləşdirməyə cəhd edən bədxah qüvvələr cızdıqları ssenarinin icrasında onlardan ustalıqla istifadə…

“Azərbaycan Respublikasının Prezidenti cənab İlham Əliyev və Birinci xanım Mehriban Əliyevanın Çin Xalq Respublikasına baş tutan işgüzar səfəri məhsuldar oldu. Xüsusilə Çində “Şanxay Əməkdaşlıq Təşkilatı Plus” formatında keçirilən sammitdə Azərbaycan Prezidentinin iştirakı, orada çıxış etməsi və keçirdiyi görüşlər yüksək qiymətləndirilməlidir”. Bu sözləri SİA-ya açıqlamasında deputat Naqif Həmzəyev deyib. Onun sözlərinə görə, bu sonuncu səfər də iki ölkə arasındakı münasibətləri daha da irəli aparmaq üçün əla bir fürsət oldu: “Aparılan müzakirələr Azərbaycanın Çin iqtisadiyyatına çıxışını asanlaşdıraraq ölkəmizə Çin texnoloji yeniliklərinə birbaşa çıxış imkanı yaradıb. Bu əməkdaşlıq Azərbaycan üçün strateji əhəmiyyət daşıyan…