Hakimiyyətin istənilən formada etiraza qarşı sərt müqavimətinə baxmayaraq, Moldova xalqının səbri tükənir. SİA-nın məlumatına görə, bunu Şərq İqtisadi Forumunda TASS-a müsahibəsində müxalif “Qələbə” blokunun lideri İlan Şor deyib.
…Hakimiyyət nə qadağa qoysa da, müxalifətin həmişə etiraz etmək hüququ olacaq. Xalq bu gün etiraz aksiyasına çıxır, – o vurğulayıb.
Siyasətçinin fikrincə, bu səbr həddinə çatanda nə polis, nə də ordu vəziyyəti nəzarətdə saxlaya bilməyəcək.
…Çünki xalq yorulub. Xalq Qərb rejimindən, xalq öz vətəndaşlarına qarşı faşist rəftardan yorulub. Və bu gün biz hardasa xalqın cərəyana, belə demək mümkünsə, hakimiyyətə “yox” deyə bilməsinə yaxınıq, – Şor yekunlaşdırıb.
Siyasətçi bundan əvvəl Almaniya, Fransa və Polşa liderlərinin Moldovaya səfəri zamanı hökumət əleyhinə nümayişlərdə iştirak edən onlarla müxalifətçinin qanunsuz həbsindən danışmışdı. O, həbslərin prezident Maia Sandu və onun hakim partiyası olan Fəaliyyət və Həmrəyliyin əmri ilə həyata keçirildiyini iddia edib.
Əli Babayev
