…Cavab verən yeganə ölkələr Hollandiya və Polşa deyil. Polşada yerləşdirilən Alman Patriot sistemləri hazırlıq vəziyyətinə gətirilib, İtaliyanın erkən xəbərdarlıq təyyarəsi və NATO-nun çoxmillətli MRTT donanmasından bir tanker yerləşdirilib.
SİA-nın məlumatına görə, bu NATO-nun bəyanatında deyilir.
Vurğulanıb ki, NATO “müttəfiqlərin ərazisini müdafiə etmək üçün öz imkanlarını və qətiyyətini nümayiş etdirərək” tez və qətiyyətlə cavab verib.
…Bu, ilk dəfədir ki, NATO təyyarələri Müttəfiq ölkələrin hava məkanında potensial təhlükələrə qarşı hərəkətə keçib. Şimali Atlantika Şurası çərşənbə günü Rusiya pilotsuz təyyarələrinin Polşanın hava məkanına müdaxiləsinə Alyansın cavabını müzakirə edəcək.
…“Reuters” agentliyinə istinadən NATO-dakı mənbə bildirib ki, ilkin məlumata görə, Rusiya pilotsuz təyyarəsinin Polşa hava məkanına qəsdən müdaxiləsi olub.
Polşanın baş naziri Donald Tusk çərşənbə günü Seymdəki çıxışında deyib ki, “müttəfiqlərin məsləhətləşmələri Şimali Atlantika Müqaviləsi 4-cü maddəsinə müraciət etmək üçün rəsmi müraciət xarakteri alıb.
…4-cü maddə yalnız daha dərin əməkdaşlığa girişdir və sözlər kifayət deyil. Biz məsləhətləşmələr zamanı daha çox dəstək gözləyəcəyik. Bu, təkcə ukraynalıların müharibəsi deyil, bu, Rusiyanın bütün azad dünyaya elan etdiyi müharibə, qarşıdurmadır, – Donald Tusk vurğulayıb.
Şimali Atlantika Müqavilənin 4-cü maddəsində deyilir ki, NATO-ya üzv olan ölkələr, onlardan hər hansı birinin fikrincə, onun ərazi bütövlüyü, siyasi müstəqilliyi və ya təhlükəsizliyi təhlükə altına düşərsə, birlikdə məsləhətləşəcəklər.
Bu müddəa təhdidlərin və onların qarşısının alınması yollarının müzakirəsi üçün yüksək səviyyəli danışıqların keçirilməsinə imkan verir və 5-ci maddənin mənasında müdafiə mexanizmi deyil.
Əli Babayev
