Day: September 15, 2025

Seçkilər zamanı Belqorod vilayətində üç və Bryansk vilayətində bir seçki məntəqəsinə PUA hücumuna məruz qalıb. SİA xəbər verir ki, bu barədə Rusiya Mərkəzi Seçki Komissiyasının sədri Ella Pamfilova deyib. MSK sədri hücuma məruz qalan seçki məntəqələrinin yerinin dəyişdirildiyini bildirib. Pamfilovanın sözlərinə görə, səsvermə başqa yerə keçirilib: “Öncədən ciddi hazırlıq işləri görülmüş, sürətli evakuasiya sistemi yaradılmışdır”. Xatırladaq ki, bu gün Rusiyada səsvermənin sonuncu günü keçirilib. Rusiya vətəndaşları qubernator, parlament üzvləri və yerli hakimiyyət orqanlarının nümayəndələrini seçiblər.

Ukraynanın Rusiyanın neft emalı zavodları, terminalları və bazalarına zərbələri Rusiyanın neft sənayesini, eyni zamanda müharibəni də məhdudlaşdırır. SİA xəbər verir ki, bu sözləri Ukrayna Prezidenti Vladimir Zelenski axşam videomüraciətində deyib. “Ən effektiv, ən sürətli təsir göstərən sanksiyalar – Rusiyanın neft emalı, onların terminalları, bazalarına endirilən zərbələrdir. Bu zərbələr Rusiyanın neft sənayesi və müharibəsini məhdudlaşdırır. Rusiyanın müharibəsi faktiki olaraq neftin, qazın və digər enerji resurslarının funksiyasıdır”, – deyə o bildirib.

Rusiyanın Rumıniyadakı səfiri Vladimir Lipayev ölkənin hava məkanının Rusiyaya məxsus pilotsuz uçuş aparatları (PUA) tərəfindən pozulması ilə bağlı xəbərlərdən sonra respublikanın Xarici İşlər Nazirliyinə (XİN) çağırılıb. SİA xəbər verir ki, bu barədə Rumıniya XİN bəyanat yayıb. “Rumıniya tərəfi ölkənin suverenliyinin pozulmasını təşkil edən bu qəbuledilməz və məsuliyyətsiz hərəkətə öz kəskin etirazını bildirib”, – bəyanatda deyilir. XİN aydınlaşdırıb ki, Rusiya tərəfindən ölkənin hava məkanının növbəti dəfə pozulmasının qarşısını almaq üçün dərhal bütün lazımi tədbirləri görsün. Qeyd edək ki, sentyabrın 13-də Rumıniya Müdafiə Nazirliyi ölkənin hava məkanının Rusiyaya məxsus PUA-lar tərəfindən pozulduğunu…

Əlcəzair Prezidenti Əbdülməcid Tebbun ölkənin yeni hökumətinin tərkibini təsdiqləyib. SİA xarici mediaya istinadla xəbər verir ki, Baş nazir Sifi Qrebin rəhbərlik etdiyi kabinetə 10 yeni nazir daxil olub. Qeyd edək ki, keçmiş sənaye naziri Qrib avqustun 28-də Nader Ərəbini əvəz edərək baş nazir səlahiyyətlərini icra edirdi.

Yuta ştatında güllələnərək öldürülən sağçı fəal Çarli Kirkə məxsus müvəqqəti abidəni dağıtmağa cəhd edən 19 yaşlı Rayder Korral həbs edilib. SİA xəbər verir ki, Arizona ştatının Feniks Polis Departamentinin əməkdaşları tərəfindən saxlanılan şəxs Kirkin təsis etdiyi “Turning Point” təşkilatının qərargahının yaxınlığında yerləşən memorialı dağıtmağa cəhd edib. O, hadisə yerinin yaxınlığındakı şəxslər tərəfindən tutulub və hüquq-mühafizə orqanlarına təhvil verilib.