Day: September 18, 2025

“Müasir dövrdə nəqliyyat vasitələrinin ekoloji təsiri qlobal problemlərdən biri kimi qəbul olunur”. Bu fikirləri ekoloq Ənvər Əliyev SİA-ya açıqlamasında bildirib. O qeyd edib ki, avtomobillərin sayı artdıqca onların atmosferə atdığı tullantıların həcmi də çoxalır: “İlk baxışda elektrik nəqliyyatı vasitələri ekoloji cəhətdən daha təmiz hesab edilsə də, unutmamalıyıq ki, elektrik enerjisi havadan əldə edilmir. Onun böyük hissəsi istilik elektrik stansiyalarında hasil olunur və bu prosesdə neft, qaz kimi yanacaqlar yandırılaraq atmosferə karbon qazı və digər zərərli maddələr buraxılır. Beləliklə, ümumilikdə götürüldükdə tullantıların miqdarı azalmasa da, onların mənbəyi dəyişir. Bakı şəhərində avtomobillərin…

“Verter effekti” mediada intihar hadisələrinin geniş və romantik şəkildə işıqlandırılmasının ardından, oxşar intiharların artması fenomenini izah edən psixoloji və sosioloji termindir. Bu termin sosial yoluxma və modelləşdirmə nəzəriyyələrinə əsaslanır. Bəs, bu effekt ilk dəfə necə kəşf edilib? Effekt ilk dəfə 1974-cü ildə amerikalı sosioloq David Phillips tərəfindən elmi şəkildə izah edilib. Bu termin alman yazıçısı Yohann Volfqanq Götenin 1774-cü ildə yazdığı “Gənc Verterin iztirabları” romanından götürülüb. Romanda Verter adlı gənc, qarşılıqsız sevgiyə dözməyib intihar edir. Kitab yayımlandıqdan sonra Avropada bir çox gəncin eynilə Verter kimi geyinib, eyni səbəblərlə intihar etdiyi…

Azərbaycanda sentyabrın 19-dan 21-i səhərədək gözlənilən küləkli hava şəraiti ilə bağlı sarı və narıncı xəbərdarlıq verilib. SİA xəbər verir ki, bu barədə Milli Hidrometeorologiya Xidməti məlumat yayıb. Bakıda və Abşeron yarımadasında, eyni zamanda əksər rayonlarda fasilələrlə şimal-qərb küləyi əsəcək, küləyin sürəti 13.9-20.7 m/san təşkil edəcək. Bu da sarı xəbərdarlığa uyğundur. Naxçıvan MR, Kəlbəcər, Gəncə, Naftalan, Goranboy, Qazax, Ağstafa, Şəmkir, Tovuz, Daşkəsən, Qusar, Xaçmaz, Şabran, Xızı, Siyəzən, Neftçala, Yevlax, Mingəçevir, Bərdə, Tərtər, Neftçala, Ağcabədidə şimal-qərb küləyi əsəcək, küləyin sürəti 20.8-28.4 m/san-dək güclənəcək. Bu isə narıncı xəbərdarlıq deməkdir.

Qaçqınların və Məcburi Köçkünlərin İşləri üzrə Dövlət Komitəsi yanında İctimai Şuranın yeni tərkibinin müəyyən olunması üçün seçki keçirilib. Bu barədə SİA-ya Dövlət Komitəsinin Mətbuat xidmətindən məlumat verilib. Dövlət Komitəsi sədrinin 15 aprel 2025-ci il tarixli əmri əsasında seçki komissiyası yaradılıb. Dövlət Komitəsi nümayəndələrindən 4 üzv, vətəndaş cəmiyyəti institutlarından 5 üzv olmaqla 9 nəfərdən ibarət Seçki komissiyası seçkiləri təşkil edib. 16 namizədin sənədləri rəsmi qeydiyyata alınıb. Seçki prosesinin sonunda səslər komissiya üzvləri tərəfindən hesablanıb. Seçkilərin şəffaflığını təmin etmək məqsədi ilə şəffaf seçki qutuları qoyulub. Seçkilərin nəticəsinə əsasən, aşağıdakı şəxslər İctimai Şuranın…