İspaniya dondurulmuş Rusiya aktivləri üçün yaradıcı istifadələr təklif etdi… İqtisadiyyat naziri ətraflı məlumat verib…
…SİA-nın məlumatına görə, İspaniyanın İqtisadiyyat naziri Karlos Kuerpo Bloomberg-ə bildirib ki, İspaniya hökuməti Avropa Komissiyasının dondurulmuş Rusiya aktivlərindən istifadəsini dəstəkləyir.
Kuerpo vurğulayıb ki, İspaniya Rusiya təcavüzünə müqavimət göstərən Ukraynanın maliyyə resurslarının maksimum dərəcədə artırılmasını dəstəkləyir.
O, hesab edir ki, Kiyevə maliyyə yardımı Qərb banklarında dondurulmuş Rusiya aktivləri vasitəsilə həyata keçirilə bilər.
…Biz Avropa Komissiyasının dondurulmuş Rusiya aktivləri ilə bağlı təklifini dəstəkləyirik. Onlardan istifadənin kreativ yolları tapılmalıdır, – Kuerpo deyib.
İspaniyanın İqtisadiyyat naziri həmçinin bildirib ki, İspaniya Rusiya təbii qazının idxalını tədricən azaldır və nəticədə onları tamamilə dayandıracaq.
Madrid ABŞ-dan təbii qaz alışını artırır.
Qeyd edək ki, Avropa ölkələri Rusiyanın təcavüzünə qarşı mübarizədə Ukraynanı dəstəkləməsinə baxmayaraq, böyük həcmdə Rusiya qazını almağa davam edir.
2024-cü ildə Rusiya təbii qazı Avropa İttifaqı bazarının demək olar ki, 19 faizini təşkil edib.
Dondurulmuş Rusiya aktivləri
2022-ci ilin fevralında Rusiya işğalçı qüvvələrinin Ukraynaya genişmiqyaslı müdaxiləsindən sonra Qərb ölkələri Rusiyaya qarşı iqtisadi sanksiyalar, o cümlədən Rusiyanın banklarındakı aktivlərini dondurdu. Avropa Komissiyasının sədri Ursula von der Leyen bu yaxınlarda bəyan edib ki, Avropa İttifaqı Ukraynaya “təzminat krediti” vermək üçün dondurulmuş Rusiya aktivlərindən istifadə etmək planı hazırlayır. Lakin bəzi Avropa ölkələri buna qarşı çıxdığından Rusiyanın dondurulmuş aktivləri müsadirə edilməyəcək.
Əli Babayev
