…Keçmiş “Moldova hökmdarı” oliqarx Vlad Plaxotnyuk Yunanıstandan Moldovaya ekstradisiya edilib. Bu barədə SİA xəbər verir ki, bu barədə “Newsmaker” məlumat yayıb.
Sentyabrın 25-də səhər saatlarında Plaxotnyuk Afinadan birbaşa reyslə müşayiət altında Kişinyova gətirildi. Yayımlanan videoda (son dörd dəqiqə) oliqarxın sərnişinlər getdikdən sonra təyyarədən endirilməsi əks olunub.
Ədliyyə Nazirliyi daha əvvəl onun Kişinyovdakı 13 saylı Cəzaçəkmə Müəssisəsində saxlanacağını açıqlamışdı. Xatırladaq ki, Plaxotnyukun ekstradisiyası ilkin olaraq sentyabrın 25-nə planlaşdırılıb.
Sentyabrın 17-də Yunanıstanın Ədliyyə Nazirliyi qaçaq oliqarxın Moldovaya ekstradisiyasını dayandırıb. Yunanıstan sonradan bu qərarı ləğv edib və ekstradisiya prosesini bərpa edib.
Qeyd edək ki, Plaxotnyuk iyulun 22-də Dubaya uçmağa hazırlaşarkən Yunanıstanda saxlanılıb.
Moldovada Plaxotnyuka qarşı üç iş üzrə həbs qərarı çıxarılıb ki, bunlardan ən səs-küylü olanı 2014-cü ildə Moldova banklarından “milyard dollarlıq oğurluq” hadisəsidir. Prokurorluğun məlumatına görə, Plaxotnyuk İlan Şorun nəzarətində olan şirkətlər vasitəsilə 40 milyon dollardan çox pul alıb.
İş 2023-cü ildə məhkəməyə göndərilib. 2025-ci ilin fevralında o, İnterpolun axtarışına verilib.
2019-cu ildə hakimiyyəti itirib ölkədən qaçmazdan əvvəl, Plahotniuc ölkə üzərində kifayət qədər nüfuza malik olub və ona “Moldova hökmdarı” ləqəbini qazandırıb.
Əli Babayev
