“Süni intellekt iqtisadiyyatdan iqlim böhranına qədər hər bir sahəyə təsir göstərməkdədir”. SİA xəbər verir ki, bu sözləri Qara Dəniz İqtisadi Əməkdaşlıq Təşkilatında (QDİƏT) Türkiyə nümayəndə heyətinin üzvü Nazım Maviş qurumun Parlament Assambleyasının Milli Məclisdə keçirilən Sosial və Humanitar Siyasət Komitəsinin 65-ci iclasında deyib.
O, Türkiyənin bu transformasiyanın fərqində olduğunu vurğulayıb: “Biz Türkiyə olaraq bu istiqamətdə iki mindən çox araşdırma və təkmilləşdirmə üzrə layihəyə dəstək göstərmişik. Eyni zamanda, Türkiyə Böyük Millət Məclisi səviyyəsində süni intellekt üzrə araşdırma komissiyası yaradaraq bu yöndə bir sıra mühüm işlər icra etmişik”.
Türkiyəli nümayəndə ölkəsinin təhsil sahəsində də süni intellektin icrası ilə bağlı bir sıra layihələr icra etdiyini diqqətə çatdırıb.
