Day: October 8, 2025

Qəbələdə keçirilən Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşündə çıxış edən Qazaxıstan Prezidenti Kasım-Jomart Tokayev Azərbaycanın sülh təşəbbüsünü və Prezident İlham Əliyevin sədrliyini yüksək qiymətləndirib. SİA xəbər verir ki, Qazaxıstan Lideri çıxışında deyib: “Bu çətin dövrdə Azərbaycan ilə Ermənistan arasında sülhlə bağlı Birgə Bəyanatın imzalanmasını təqdir etmək istəyirəm və inanıram ki, bu tarixi addım 30 il davam edən münaqişənin həllində mühüm addım olacaq”. Tokayev, həmçinin Azərbaycanın regional və beynəlxalq təşəbbüslərə verdiyi töhfəni xüsusi qeyd edərək söyləyib: “Mən Asiyada Qarşılıqlı Fəaliyyət və Etimad Tədbirləri üzrə Müşavirənin tamhüquqlu beynəlxalq…

“Ermənistanın sülhə münasibəti hələ də ziddiyyətlidir və bu ziddiyyətlər Paşinyan hakimiyyətinin daxili və xarici balans axtarışından qaynaqlanır. Rəsmi İrəvan bəzən sülh tərəfdarı kimi görünür, amma ardınca elə addımlar atır ki, bu təsəvvürü dağıdır”. Bu sözləri SİA-ya açıqlamasında politoloq Tural İsmayılov deyib. Deputat bildirib ki, Paşinyan hökuməti sülh prosesini həm daxili sabitlik, həm də beynəlxalq imic üçün alətə çevirib: “Onlar Brüssel və Vaşinqtonla münasibətlərini gücləndirmək istəyir, lakin Moskvanın təsirini də tam itirməkdən çəkinirlər. Bu, Ermənistan diplomatiyasını ikibaşlı vəziyyətə salıb — nə Qərbə tam yaxınlaşa, nə də Rusiyadan uzaqlaşa bilir. Sülh müqaviləsi…

“Türkiyə-Azərbaycan münasibətləri regionda dövlətlərarası münasibətlərə kardinal dərəcədə dəyişdirici, yönləndirici təsir gücünə malikdir. Demək olar ki, bizim bölgəmizdə və hətta bölgəmizə yaxın regionda dövlətlər arasında münasibətlər qurularkən, Azərbaycan-Türkiyə münasibətlərini bütün məsafələrdən görünən yoğun xətt kimi nəzərə almağa məcburdurlar”. Bu sözləri SİA-ya açıqlamasında siyasi şərhçi Aydın Quliyev deyib. Onun sözlərinə görə, Ermənistan Türkiyə ilə münasibətləri qurmaq istəyərkən, həmişə Azərbaycan-Türkiyə münasibətləri faktoru nəzərə alınıb. Türkiyə-Azərbaycan münasibətləri Gürcüstan-Ermənistan münasibətlərinə təsir göstərib. Ermənistan-İran əməkdaşlığını dərinləşdirmək istəyənlər isə həmişə Azərbaycan-Türkiyə tandeminin buna necə reaksiya verəcəyini nəzərə almağa çalışıblar: “Fakt budur ki, İran nə qədər sərt siyasət…

“Böyük Qayıdış Proqramının həyata keçirilməsində bir neçə əsas məsələ – tərəfdaşlıq və xarici dəstək vacib amillərdəndir. Çünki tamamilə dağıdılmış regionların və rayonların bərpası, orada quruculuq işlərinin aparılması, sosial obyektlərin tikilməsi, yeni sənaye müəssisələrinin yaradılması, müasir texnoloji avadanlıqların gətirilməsi və turizmin inkişaf etdirilməsi istiqamətlərində beynəlxalq tərəfdaşlığa və xarici siyasət dəstəyinə ciddi ehtiyac var”. Bu sözləri SİA-ya açıqlamasında Orta Doğu Araşdırmaları Mərkəzinin rəhbəri, siyasi şərhçi Sədrəddin Soltan deyib. Onun sözlərinə görə, bu dəstək həm humanitar məqsədlə – yəni yardım formasında, həm də birbaşa xarici sərmayə kimi bölgəyə yönəldilə bilər: “Eyni zamanda tikinti…

Milli Məclisin oktyabrın 10-da keçiriləcək iclasının gündəliyinə təklif olunan məsələlər müəyyənləşib. Parlamentin Mətbuat və ictimaiyyətlə əlaqələr şöbəsindən SİA-ya verilən məlumata görə, gündəliyinə təklif olunan məsələlər aşağıdakılardır. 1. “Azərbaycan Respublikası Konstitusiyasının 30 illiyi (1995-2025)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi. 2. “Azərbaycan Respublikası Milli Məclisi Daxili Nizamnaməsinin təsdiq edilməsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi. 3. “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında…