Ukrayna Prezidenti Volodimir Zelenski Papa Fransiskin dəfn mərasimində iştirak etmək üçün Roma və Vatikana səfər edəcək. SİA xəbər verir ki, bu barədə UNİAN məlumat yayıb. Bildirilib ki, Zelenskinin ofisi Ukrayna liderinin Romaya səfərinə hazırlaşır. Məlumata görə, dövlət başçısı mərasimə xanımı Yelena Zelenskaya ilə qatılacaq.
Qeyd edək ki, Papanın dəfn mərasimində İtaliyanın Baş naziri Ciorcia Meloni, Braziliya Prezidenti Lula da Silva, Fransa Prezidenti Emmanuel Makron, Argentina Prezidenti Xavyer Miley və ABŞ Prezidenti Donald Tramp və həyat yoldaşı Melaniya da iştirak edəcək.
