…ABŞ Daxili İşlər Naziri Doug Burgum xəbərdarlıq edib ki, ölkədə elektrik enerjisi istehsalı ilə bağlı problemlərə görə hələ bu ilin yayında böyük bir elektrik kəsilməsi ilə üzləşə bilər.
SİA-nın məlumatına görə, bu barədə o, Fox News-a müsahibəsində bildirib.
…Biz bu həftə İspaniyada baş verənləri gördük. Bu, Amerikada bu yay baş verə bilər, – siyasətçi deyib.
Onun sözlərinə görə, mümkün enerji böhranı riskinə görə məsuliyyət əvvəlki prezident Cozef Baydenin üzərinə düşür. Aprelin 28-də İspaniyada, xüsusilə Madrid və Barselonada, Portuqaliyanın Lissabon, Alqarve və Koimbra şəhərlərində, Fransanın Burqundiya bölgəsində, Andorrada, Hollandiya və Belçikada genişmiqyaslı elektrik enerjisi kəsildiyi bildirilib.
Əli Babayev
