ABŞ prezidenti Donald Tramp və İsrailin baş naziri Benyamin Netanyahu arasında münasibətlər son vaxtlar çox gərginləşib.
SİA-nın məlumatına görə, NBC News anonim rəsmilərə və diplomatlara istinadən xəbər verir ki, buna İran və Qəzza zolağı ilə bağlı fikir ayrılıqları səbəb olub.
NBC qeyd edir ki, hələ yanvar ayında Tramp və Netanyahu “sıx uyğunlaşmışlar” və Qəzzadakı müharibəyə eləcə də İran məsələsinə necə yanaşmaq barədə eyni fikirlərə sahib idilər. …Lakin son həftələrdə Tramp və Netanyahu arasında münasibətlər gərginləşib, çünki iki lider HƏMAS-ın əhəmiyyətli dərəcədə deqradasiyası və İranın zəiflədiyi bir vaxtda bu problemləri həll etmək üçün strategiyalar üzərində getdikcə fikir ayrılığına səbəb olub.
…Jurnalistlər iki Amerika rəsmisi, iki Yaxın Şərq diplomatı və siyasətçilər arasındakı “gərgin münasibətlərlə tanış
olan digər iki şəxs”lə müsahibədən sonra bu qənaətə gəliblər. Kanal qeyd edir ki, Netanyahu Trampın İrana yeni nüvə sazişi çərçivəsində uranı zənginləşdirməyə icazə verib-verməyəcəyinə hələ qərar vermədiyinə dair sözlərindən narazıdır.
NBC News-a bir mənbə deyib ki, İsrail Trampın İranla bağlaya biləcəyi hər hansı razılaşmadan narahatdır. Netanyahunun Qəzzaya yeni hücuma başlamaq qərarından Trampın özü də qıcıqlanır. Bu, Amerika prezidentinin Fələstin torpaqlarını bərpa etmək planlarını pozur…
Əli Babayev
