Hər bir insanın bir ömür salnaməsi var. Allahın insana bəxş etdiyi ömür payını elə yaşamalısan ki, dönüb arxaya baxanda təəssüflənməyəsən. Həyatda o insanlar xoşbəxtfir ki, el-oba onun əməyindən bəhrələnir. Zərifə ana da belə analardandır. Çox dəyərli, mənəviyyatca zəngin olan xanım agbirçəyimizdir. Bu gün o, övladlarına həm də ata əvəzidir.
Əslində Zərifə xanımın ömür-gün yoldaşı, SSRİ-nin Maarif əlaçısı, ömrünün 50 ilini Osakücə kənd orta məktəbinin direktoru işləmiş Hacı Hacırza Kişiyev də kəndimizin müdrik el agsaqqalı idi. Möhtərəm Prezident cənab İlham Əliyevin sərəncamı ilə 2008-ci ildə ona Respublikanın Əməkdar müəllimi fəxri adı verilib. O, bu gün həyatda olmasa da saysız-hesabsız şagirdlərinin, yetirmələrinin yaddaşında əbədi yaşayır. Zərifə xanım da yəqin ki, Hacı Hacırzalı günləri ömrünün ən xoşbəxt günləri sayır.
Hacırza müəllimlə birlikdə 7 övlad boya-başa çatdırıblar. Övladlarının hamısı ali təhsillidir. Eyni zamanda ailədə 19 nəvə və 7 nəticə dünyaya göz açıb. İstər övladları, istərsə də nəvə-nəticələri Hacırza müəllim və Zərifə xanımın haqq yolunu gedərək fəal həyat mövqeyi qazanıblar. Başqa sözlə desək mənsub oldugu nəslin şərəf və ləyaqətini uca tutaraq xalqa, cəmiyyətə fayda verirlər.
Zərifə ana öz gücünü övladlarından alır. Müdriklərin məşhur bir kəlamı var: “Ən yaxşı ana o anadır ki, lazım gələndə uşaqlarına atalıq da edə bilsin”. Bu fikir Zərifə xanımın timsalında olan analar üçün deyilib. O,övladlarına fədakar ana olmaqla bərabər,qeyrətli bir ana olmagı da bacardı. Balalarının qəlbinə ikiqat valideynlik hərarəti bəxş edir. Ana və ata əvəzi olaraq övladlarının oxudugu ən qiymətli kitaba çevrildi. Onları bir an görməyəndə darıxır, ürəyi sızıldayır. Bir az nasaz olan kimi nəvə-nəticələri bir xilaskar logman kimi özlərini ona çatdırırlar.
Zərifə xanım 16 iyun 1940 -cı ildə Lənkəran şəhərində adlı-sanlı bir ailədə dünyaya göz açıb. 1960-cı ildə Lənkəran rayonunun Sinovli kəndinə gəlin köçub. Gözləmək olardı ki, şəhər mühitində boya-başa çatan tibb təhsilli Zərifə xanım kəndin ab-havasına uygunlaşa bilməsin. Ancaq hər şey əksinə oldu. O, öz çiynini bəlkə də ən agır işlərə verərək zəhmətkeş, mehriban, hətta başqalarının övladlarını öz övladlarından seçməyən bir ana kimi tanındı və el-oba tərəfindən sevildi. Təsadüfi deyil ki, bu gün ən gənc analara öncə Zərifə xanımın həyat yolunu örnək göstərirlər.
Zərifə xanım Məmmədova 1956-cı ildə lənkəran Tibb Texnikumunu” tibb bacısı” ixtisası üzrə bitirib. Əmək fəaliyyətinə rayonun Kərgəlan kəndində mama-feldşer kimi başlayıb. 40 ildən çox müxtəlif kəndlərdə feldşer-mama məntəqələrində işləyib. İndi fəxrlə demək olar ki, kəndimizin sakinləri onun mənəvi övladlarıdır. El-obada haqlı olaraq onu “Analar anası” adlandırırlar. Axı, arxada qoydugu illərdə saysız-hesabsız ailələrə övlad sevinci bəxş edib, anaların ömrünə ömür calayıb.
Analar haqqında biri-birindən dəyərli şeirlər, rübailər, bayatılar deyilib. Çünki dünyaya yeni gələn hər uşagın ilk sözü Anadır. Ana canlı ruh yetişdirən sənətkardan və ya heykəltəraşdan daha istedadlıdır. Ümumiyətlə insanda gözəl nə varsa, hamısı Ana südündən qaynaqlanır.
Elə ana ürəyindən qopan laylalar həyatın ən şirin təranəsi, ecazkar musiqisidir. Ana elə müqəddəs varlıqdır ki, vətəni də onun şərəfinə “Ana vətən” adlandırırlar.
Zərifə ananın bacarıqlı və qaygıkeş bir tibb işçisi kimi fəaliyyəti haqqında anam Ağabanudan çox eşitmişdim.
Həm anamla yaxın rəfiqə idilər, həm də mehriban qonşuluq münasibətləri vardı. Anam onun zəhmətkeşliyindən, müdrikliyindən çox danışardı. Deyirdi ki, Zərifə xanımın kənddə, eldə-obada döymədiyi qapı yoxdur. Elə bir ailə, ocağ olmazdı ki, onun nəfəsi ilə isinməsin. Hamının xeyrində-şərində qabaga düşər, köməyini əsirgəməzdi.
Əgər bir evdə atanın hökmü, ananın nəfəsi varsa, o ev elə cənnətin özüdür. Milli mənəvi dəyərlərdən qaynaqlanan ailə ənənəsi övladlar, nəvələr tərəfindən davam etdirilir
Həyatda kim yaxşı iz buraxırsa demək o, yaşayır. Əslində gəlimli-gedimli dünyamız da məhz belə insanların çiynində qərar tutub. Hamımızın sevimlisi gözəl insan olan çox hörmətli Zərifə xanım məhz belə xeyirxah insanlardandır.
85 illik yubiley münasibətilə onu ürəkdən təbrik edir, həyatın ən şirin neməti olan cansağlığı, uzun ömür arzulayıram.
Anaları qoruyaq!
El-obamızın müdrik agbirçəyi Zərifə xanım Məmmədovanın 85 illiyinə həsr edirəm.
Çoxumuzun atası
Dünyadan vaxtsız köçüb.
Neçə ana qəlbinə
Vədəsiz payız köçüb.
Düşüb qışa, borana,
Onlar ömründən kəsib
Verib balalarına.
Onlar elə ağlayıb,
Heç kəs bunu duymayıb.
Onlar bizi düşmənin
Qapısına qoymayıb.
Bizə ta körpəlikdən
Mərdlik öyrədib onlar.
Yerində mülayimlik,
Sərtlik öyrədib onlar.
O müqəddəs analar
Bu gün yaman qocalıb.
Dişiylə, dırnağıyla
Ərsəyə çatdırdığı
Övladları ucalıb!
Yaşayırıq biz bu gün
Onların əziyyəti,
Əzabı hesabına.
Gündə yüz yol baş əyək
Kipriklə od götürmüş
Anaların adına.
Gəlin ömrümüz üçün
Günəş kimi əbədi
Yananları qoruyaq,
Anaları qoruyaq,
Anaları qoruyaq!
Bəxtiyar Hüseynov,
Azərbaycan Yazıçılar və Jurnalistlər birliyinin üzvü, “Qızıl-qələm” media mükafatı laureatı
