Fransa prezidenti Emmanuel Makron Londonda Böyük Britaniyanın baş naziri Key Starmerlə görüşündən sonra birgə mətbuat konfransında danışıb. SİA xarici KİV-ə istinadən xəbər verir ki, Makron bildirib ki, o və Starmer Yaxın Şərqə, eləcə də Ukraynaya oxşar yanaşmaları bölüşürlər.
Bölgədə atəşkəsin əldə edilməsi, sülhə gedən yol tapılması və İsrailin Qəzzaya hücumlarına son qoyulmasının vacibliyini vurğulayan Makron deyib: “Biz Qəzzada atəşkəs və bütün girovların azad edilməsi üçün birgə çağırış etmişik. Bu, girovların və Qəzza xalqının iztirablarına son qoymaq üçün təcili olaraq lazımdır. Müharibənin sonu və ya təhlükəsizliyinə ciddi təhdidlər olmadan davam etdirilməsi bölgəmizə qarşı ciddi təhlükə və strategiyamızdır”.
İki dövlətli həllə inandığını ifadə edən Makron bildirib: “Mən inanıram ki, Parisdə, Londonda və başqa yerlərdə Fələstin dövlətini tanımaq və sülh perspektivi ilə uyğun gələn yeganə yol olan bu siyasi dinamikanı başlatmaq üçün səsimizi birləşdirməliyik”.
Bu həllin bölgədə təhlükəsizliyin əsasını qoyacağını ifadə edən Makron, iki dövlətli həllin İsrailin qonşuları ilə sülh içində yaşamasını da təmin edəcəyini qeyd edib.
