…Rusiya Şimali Koreyanın yolu ilə gedə bilər. Onun iqtisadiyyatı deqradasiyaya uğrayacaq, getdikcə sadələşəcək, geridə qalacaq, həyat səviyyəsi aşağı düşəcək.
SİA-nın məlumatına görə, bu barədə rusiyalı iqtisadçı, iqtisad elmləri doktoru İqor Lipsits “Qlavred”ə müsahibəsində danışıb.
Onun sözlərinə görə, rus xalqı səbirlidir, ona görə də sakitcə yoxsulluğa batacaqlar.
…Onlar həyatlarını necə yaxşılaşdıracaqlarını bilmirlər, özlərini təşkil etməyi bilmirlər, bir-birlərinə güvənmirlər, bir-biri ilə ünsiyyət qurmurlar, əməkdaşlıq etmirlər. Onlar süpürgə yaratmırlar. Bilirsən, o nağıldakı kimi? Süpürgəni sındıra bilməzsən, amma budağı asanlıqla qıra bilərsən. Deməli, Rusiya 140 milyonluq süpürgə deyil. Bu, hər hansı bir şəkildə qırıla bilən 140 milyon tək samandır…
Bunu deyən iqtisadçı qeyd edib ki, belə şəraitdə belə Putinin hakimiyyəti çox uzun müddət davam edə bilər, çünki ruslar etiraza çıxmağa hazır deyillər.
… Şimali Koreyaya baxın: ölkə neçə ildir ki, belə bir rejim altında yaşayır, heç nə baş vermir, inqilablar yoxdur. Şimali Koreyada inqilablar görmürsən, elə deyilmi? Orada bir neçə dəfə aclıq oldu, amma heç nə olmadı, insanlar ayağa qalxmadı. Onlar yaxınlıqda firavan Cənubi Koreya görürlər – lakin Şimali Koreyalılar kommunist rejimi altında yaşamağa davam edirlər.
…Siz niyə Putinin uğur qazana bilməyəcəyini düşünürsünüz? Eyni ilə Koreyadakı kimi..?
…Çünki ruslar öz maraqlarını necə qoruyacaqlarını bilmirlər.
Bunu da Lipsits bildirib.
Əli Babayev
