…Çin köhnə tankerlərin ən böyük neft terminallarından birinə girişini məhdudlaşdırmaq niyyətindədir.
SİA-nın məlumatına görə, Bloomberg xəbər verir ki, tədbirlər Çinin ümumi neft həcminin təxminən altıda birini idarə edən Qingdao limanına təsir edəcək.
Noyabrın 1-dən limanda yeni qaydalar qüvvəyə minəcək. Qadağa yaşı 31 və daha yuxarı olan gəmilərə, həmçinin Beynəlxalq Dəniz Təşkilatında qeydiyyat məlumatlarını dəyişdirmiş və ya etibarsız sertifikatlara malik olan tankerlərə şamil ediləcək.
Bundan əlavə, Şandunq əyalətindəki limana gələn bütün gəmilər xüsusi qiymətləndirmə sistemindən istifadə edilməklə qiymətləndiriləcək.
Gəminin yaşı və ekoloji məsuliyyət sığortasının olması nəzərə alınacaq. Aşağı bal toplayan tanker yanalma hüququndan məhrum edilə bilər.
Ekspertlərin fikrincə, bu tədbirlər ilk növbədə beynəlxalq sanksiyalar altında İrandan və digər ölkələrdən neft daşıyan kölgə donanmasına yönəlib.
Bu cür gəmilər çox vaxt köhnə tankerləri idarə edir və şübhəli identifikasiya sxemlərinə malikdir, bu da qəza və ekoloji fəlakət riskini artırır.
Əli Babayev
