“Avropa Yenidənqurma və İnkişaf Bankı 1991 ci ildə yaradılmışdır. Azərbaycanda onların fəaliyyəti 1992 ci ildən başlıyır. Avropa Yenidənqurma və İnkişaf Bankı bir neçə istiqamət üzrə Azərbaycanda layihələrə dəstək işlərini həyata keçirir. Ümumi Azərbaycanda bu illər ərzində 4 milyarda yaxın investisiya yatırılıb və onlardan bankın verdiyi məlumata görə, 196 lahiyə maliyyələşdirilmişdir. Bu bank Avropanın ən iri banklarından biridir. Dünyanın 71 ölkəsində işləyirlər və ölkələr qruplara bölünüb. Azərbaycanın daxil olduğu ölkələr qrupunda Azərbaycan,Türkiyə, Moldova, Rumuniya və Qırğızıstan bir qrupda işləyirlər. Bu bankın böyük mütəxəssis potensialı var. Onlar hər ilin sonunda ölkədəki investisiya mühiti ilə bağlı hesabatlar açıqlayırlar, həm bərpa olunan enerji keçidlə bağlı, həm kənd təsərrüfatı sektorunda inkişafla bağlı, həm özəl sektorun inkişaf ilə bağlı, həm də Energetika Nazirliyində görülən işlərlə bağlı hesabatlar açıqlayırlar. Bu bankın Azərbaycanla işləməsi və dəstək verməsi kifayət qədər böyük bir işdir
Bankın həyata keçirdiyi layihələrin bir neçə istiqaməti var: Bərpa olunan enerji mənbələrinə (külək və günəş enerjisi), kənd təsərrüfatında innovativ layihələrə və xüsusilə özəl sektorun inkişafına dəstək göstərir. Bərpa olunan enerji sistemində həm layihələrin həyata keçirilməsi, həm də onların beynəlxalq bazarda satışına dəstək proqramları, Gəncə şəhərində küçələrin işıqlandırılması üzrə Qrant layihəsi ilə küçələrin işıqlandırılması işləri üzrə layihə və eyni zamanda Gəncə şəhərində məişət tullantılarının idarəedilməsi layihəsinin icrasına dəstək proqramları həyata keçirilib . Bu sözləri SİA-ya açıqlamasında enerji məsələləri üzrə ekspert Sadiq Həsənov deyib.
Onun sözlərinə görə, bank tərəfindən Azərbaycanın elektroenerji sektoruna texniki dəstək həyata keçirilib. Azərbaycan Avropa Yenidənqurma və İnkişaf Bankı ilə əməkdaşlıq edir. Rəsmi məlumatlara görə Azərbaycanda Avropa Yenidənqurma və İnkişaf Bankı bir neçə istiqamətdə işləyir. Niderlandın “Advision” firması ilə birlikdə Azərbaycanda Hidrogen enerjisinin istehsalı ilə bağlı təhlil işləri həyata keçirilmişdir. Hidrogen yaşıl enerji sayılır. Onun bir neçə istiqamətdə istehsalı mümkündür. Ən ucuz başa gələn sudan istehsalıdır və eyni zamanda metan qazından istehsal etmək mümkündür. Hidrogen istehsalı ilə bağlı bank tərəfindən bir çox dəyərli qiymətləndirmələr aparılmışdır. Hələlik hər hansı layihə həyata keçirilməyib ancaq qiymətləndirilmə nəticəsində hidrogen istehsalı potensialı yüksək qiymətləndirilib, ola bilərki, yaxın gələcəkdə belə layihələr həyata keçirilsin. Bərpa olunan enerji sektorunda, külək və günəş qurğularının quraşdırılması şəhərinin dəstək verir və bu bankın dəstəklərindən biri ” Xızı Abşeron layihəsi çərçivəsində 240 meqavat gücündə olan Külək və Günəş Hibrid enerji stansiyasının quraşdırılması layihəsinə dəstəkdir”.
Ekspert həmçinin bildirir ki, həmin layihəyə Bank tərəfindən 100 milyon investisiya yatırılıb: “Azərbaycan “yaşıl enerji” siyasəti üzrə istiqamət götürmüşdür. 2030-cu ilə qədər ölkə üzrə istehsal olunan enerjinin 30 % qədəri yaşıl sektordan planlaşdırıldığına görə, bank bu istiqamətdə çox ciddi dəstəkl verməsi təqdirəlayiqdir. Ümumilikdə neft və qazın istehsalının azalması bərpa olunan enerji, xüsusilə külək və günəş enerji sektorundan elektrik enerjisinin istehsalının həcminin artması kifayət qədər ölkəmiz üçün böyük rəqəmdir və iddialı bir proyektlərdir. Elektrik enerjisinin xaricdə satılması üçün Avropa Yenidənqurma və İnkişaf Bankı Xəzər və Avropa arasında yaşıl dəhliz layihəsini dəstəkləyir və bu istiqamətdə texniki qiymətləndirmələr, onların satışının keçirilməsi istehsal olunması və bu kimi kommunikasiya işlərinin görülməsi üçün həm təhlil, eyni zamanda qiymətləndirmə işləri, layihələrin həyata keçirilməsini dəstəkləyir.. Layihələrin xüsusilə enerji sektorunda bərpa olunan enerjiyə keçidlə bağlı, kənd təsərrüfatı sektorunda özəl sektorun inkişafı ilə bağlı, hidrogen enerjisinin istehsalı ilə bağlı Bankın dəstəyi həddindən artıq vacibdir və son Energetika Nazirliyi ilə Avropa Yenidənqurma İnkişaf bankının vitse-prezidentinin görüşündə də bütün bu məsələlər görsənir ki, təhlil olunubdur və gələcək inkişafın perspektivləri yaxın perspektivdə 2030-cu ilə qədər və uzaq perspektivdə 2050-ci ilə qədər bir sıra layihələrin işlənməsini bir daha nəzərdən keçirilib”.
