Author: Qafqaz Xəbər

ABŞ İranla gərginlik fonunda Yaxın Şərqdən bəzi diplomatları və hərbçi ailələrini geri çağırıb. SİA-nın CNN-ə istinadən verdiyi məlumata görə, ABŞ Dövlət və Müdafiə Departamentləri Yaxın Şərq ətrafındakı yerlərdən qeyri-vacib personalın təxliyəsini təşkil edib. Bu addım Yaxın Şərqdə artan gərginlik fonunda atılıb. Müdafiə katibi Pit Heqset hərbi qulluqçuların Yaxın Şərqdəki yerləri könüllü şəkildə tərk etməsinə icazə verib. ABŞ Dövlət Departamenti həmçinin, ABŞ-ın İraq, Bəhreyn və Küveytdəki səfirliklərinin qeyri-vacib işçilərinin bölgədə artan təhlükəsizlik riskləri səbəbindən ölkədən getməsinə göstəriş verməyə hazırlaşır.

ABŞ administrasiyası Ukraynadakı münaqişənin həlli üçün bütün mümkün variantları nəzərdən keçirir, bu məqsədlə Konqresdən ona daha çox səlahiyyət verməsini xahiş edir, eyni zamanda Rusiyaya qarşı sanksiyalar haqqında qanun layihəsinin qəbulunun gözlənilməz nəticələrinin nəzərə alınmasını istəyir. SİA xəbər verir ki, bu barədə ABŞ maliyyə naziri Skott Bessent bəyan edib. “İqtisadi təsir alətləri administrasiyanın münaqişəni dayandırmaq strategiyasının mühüm hissəsi olaraq qalır. Bütün variantlar nəzərdən keçirilir. Maliyyə Nazirliyi Ukraynada davamlı və uzunmüddətli sülhün əldə olunmasına töhfə vermək üçün tədbirlər görməyə hazırdır. ABŞ-ın Rusiyaya qarşı qüvvədə olan sanksiyaları və ixrac nəzarəti tədbirləri qüvvədə qalır…

Türkiyənin Antalya şəhərinin Alanya rayonunda hoteldə yanğın baş verib. SİA xəbər verir ki, bu barədə “TRT haber” məlumat yayıb. Məlumata görə, yanğın hotelin türk hamamı hissəsində çıxıb. Hadisə səbəbilə qonaqlar da təxliyə edilib. Tüstüdən zərər çəkənlərə təcili tibbi yardım maşınında ilk tibbi yardım göstərilib, 2 nəfər isə xəstəxanaya çatdırılıb. Yanğın zamanı obyektə ciddi ziyan dəydiyi bildirilir. Xatırladaq ki, bu ilin əvvəlində Türkiyənin “Kartalkaya” xizək mərkəzində çıxan şiddətli yanğından sonra, ölkənin Turizm Nazirliyi ciddi araşdırmalara başlamış və qanun pozuntusu olan yüzlərlə hotelin fəaliyyətini dayandırmışdı.

ABŞ Prezidenti Donald Tramp amerikalı milyarder İlon Maskla barışa biləcəyini deyib. SİA xəbər verir ki, bu barədə “The New York Post” (NYP) məlumat yayıb. “Yəqin ki, bunu edə bilərəm”, – deyə Tramp bildirib. Tramp Maska qarşı kininin olmadığını vurğulayıb. O, milyarderin büdcə layihəsinin irəli sürülməsinə qəzəbli reaksiyasından çox təəccübləndiyini qeyd edib. Xatırladaq ki, ötən gün İlon Mask sosial şəbəkə hesabında yazaraq ABŞ Prezidenti Donald Trampla bağlı etdiyi bəzi paylaşımlara görə təəssüfləndiyini bildirib. Qeyd edək ki, iyunun 5-də Trampla Mask sosial şəbəkələrdə bir-biri barədə kəskin tənqidlər paylaşıb. Belə ki, milyarder Trampın…