Category: Dünya

Türkiyə Ukraynanın atəşkəsə razılaşmasını müsbət addım hesab edir. SİA xəbər verir ki, bu barədə Türkiyə Prezidenti Rəcəb Tayyib Ərdoğan bildirib. “Ukraynanın atəşkəsə razılaşmasını müsbət addım hesab edirik. Ümid edirik ki, Rusiya da konstruktiv reaksiya verəcək,” – deyə Ərdoğan bildirib. Dövlət başçısı ədalətli, davamlı və şərəfli sülh üçün mübarizə aparan hər iki tərəfin masa arxasında olacağı möhkəm diplomatik zəminin vacibliyini ifadə edib. Ərdoğan həmçinin bildirib ki, Türkiyə Rusiya-Ukrayna müharibəsinin sülh yolu ilə həll edilməsi istiqamətində müzakirələrə evsahibliyi daxil olmaqla bütün mümkün dəstəyi verməyə hazırdır.

Daha çox

Rusiya Prezidenti Vladimir Putin Kursk vilayətində bir qrup qoşunun komanda məntəqəsinə hərbi formada gedib. SİA xəbər verir ki, Putin orada Rusiya Silahlı Qüvvələrinin Baş Qərargah rəisi Valeri Gerasimovun məruzəsini dinləyib. Gerasimov ona ərazinin 86%-nin azad edildiyini bildirib. Putin hərbçilərin qarşısına Kursk vilayətində düşməni ən qısa müddətdə məğlub etmək vəzifəsi qoyub. Qeyd edək ki, bu, Rusiya liderinin müharibə başlayandan sonra Kursk vilayətinə ilk səfəridir.

Daha çox

Rusiyanın Kaluqa və Saratov hava limanlarında müvəqqəti olaraq təyyarələrin gəlişi və buraxılmasına məhdudiyyətlər tətbiq olunub. SİA xəbər verir ki, bu barədə Rusiya Federal Hava Nəqliyyatı Agentliyi məlumat yayıb. “Mülki təyyarələrin uçuşlarının təhlükəsizliyini təmin etmək üçün hava limanlarının fəaliyyətinə müvəqqəti məhdudiyyətlər tətbiq edilib”, – məlumatda qeyd olunub.

Daha çox

Polşanın Baş naziri Donald Tusk Türkiyədə rəsmi səfərdədir. SİA xəbər verir ki, Türkiyə Prezidenti Rəcəb Tayyib Ərdoğan onu iqamətgahında rəsmi mərasimlə qarşılayıb. Mərasimdən sonra Ərdoğan və Tusk arasında ikitərəfli görüş keçirilib. Tusk sosial media hesabında Ərdoğanın ona verdiyi hədiyyə ilə bağlı paylaşım edib. “Rəcəb Tayyib Ərdoğan, bu hədiyyəyə görə təşəkkür edirəm. 1745-ci ildə Polşadan Osmanlı baş vəzirinə yazılmış məktub. Ölkələrimiz arasında sülh və dostluq simvolu. Hələ də qüvvədədir”, – Tusk yazıb.

Daha çox

Belçika və Niderland hökumət başçıları Lüksemburqa səfər ediblər. SİA xəbər verir ki, Benilüks ölkələri Ukrayna müharibəsi fonunda müdafiə siyasəti sahəsində əməkdaşlığı gücləndirmək istəyir. Bu, üç ölkənin hökumət başçıları Lüksemburqda Senningen qəsrində görüşüblər. “Biz daha çox birlikdə işləmək, birlikdə almaq və birlikdə istehsal etmək istəyirik”, – deyə Lüksemburqun Baş nazir Luc Frieden üç hökumət başçısının görüşündən sonra bildirib. Əlavə edib ki, pul xərcləmək kifayət deyil, həm də onu səmərəli şəkildə investisiya etmək lazımdır. Niderland və Belçika hökumət başçıları Dik Şof və Bart De Vever də bu fikri təkrarlayıblar. “Benilüks İttifaqı 1944-cü…

Daha çox

Qazaxıstan Respublikasının Energetika Nazirliyi bir sıra xarici medianın nəşrlərinə cavab olaraq, OPEC+ sazişinə tam sadiq olduğunu bəyan edir və öhdəliklərin yerinə yetirilməsi, o cümlədən müəyyən edilmiş kvotadan artıq hasil edilən həcmlərin kompensasiyası üzrə məqsədyönlü işi davam etdirir. SİA Qazaxıstan Energetika Nazirliyinin mətbuat xidmətinə istinadla xəbər verir ki, eyni zamanda, cari ilin fevral ayında kvotaların artırılması Tengiz yatağında gələcək artım layihəsi çərçivəsində texnoloji proseslərlə şərtləndirilib. Bu layihə uzunmüddətli xarakter daşıyır və enerji resurslarının sabit təchizatını təmin etmək, eləcə də ortamüddətli öhdəlikləri yerinə yetirmək məqsədi daşıyır. Qeyd olunur ki, Qazaxıstanın energetika naziri…

Daha çox

Serbiyadakı mövcud daxili siyasi vəziyyəti diqqətlə izləyirik, gərginliyin azaldılmasına və dialoqa çağırırıq. SİA xəbər verir ki, bu barədə martın 15-də Belqradda keçirilməsi nəzərdə tutulan etiraz aksiyasından əvvəl Aİ-nin informasiya xidmətinin açıqlamasında bildirilir. Avropa İttifaqı Serbiyanın ittifaqa üzvlük yolunda zəruri islahatları həyata keçirməklə bağlı bütün maraqlı tərəflərin, o cümlədən siyasi aktorların, institutların və vətəndaş cəmiyyəti üzvlərinin inklüziv dialoquna şərait yaratmaqla ölkədə gərginliyin azaldılmasına çağırıb. Aİ hesab edir ki, vətəndaşların iştirakı şəffaflığın və hesabatlılığın təşviqi də daxil olmaqla sağlam və demokratik cəmiyyətin inkişafında mühüm rol oynayır. Qeyd edək ki, martın 15-də Belqradda…

Daha çox

İqlim fəalları Londondakı “Tesla” mağazasında robota narıncı boya töküblər. SİA “Reuters”ə istinadla xəbər verir ki, “Just Stop Oil” təşkilatının iki fəalı qərbi Londonda yerləşən mağazada nümayiş üçün qoyulmuş displeyə çıxaraq “Optimus” adlı insanabənzər robota narıncı boya töküblər. Milyarder İ.Mask ABŞ Prezidenti Donald Trampa yaxın müttəfiq hesab olunur və onun “X” platforması (keçmiş “Twitter”) vasitəsilə Britaniya, Almaniya, İtaliya və Rumıniyada sağçı partiya və fiqurları dəstəklədiyi bildirilir. ABŞ-da isə o, hökumətin kiçildilməsi planına rəhbərlik edir. Son həftələrdə ABŞ və Avropanın bəzi “Tesla” mağazalarında İlon Maskın siyasi fəaliyyəti ilə bağlı həm dinc, həm…

Daha çox

Fransanın Redanj komunasının meri sərhəd komunalarda fransız şagirdlərin kütləvi şəkildə Lüksemburq məktəblərinə getdiyini bildirib. SİA xəbər verir ki, mer Lüksemburq təhsil sisteminə aludə olan fransız valideynlərin övladlarının qeydiyyatdan keçmək qaydalarını pozduğunu vurğulayıb. Redanj komunasının meri ibtidai məktəbdə müəllim vəzifəsi ilə bağlı həyəcan təbili çalaraq bildirib ki, bu fenomen Mozel komunasında, eləcə də bütün sərhəd komunalarında müşahidə olunur. Valideynlər bu qərarlarını Lüksemburqda təhsilin, xüsusilə də xarici dil öyrənmənin daha effektiv olması ilə əsaslandırırlar. Onların fikrincə, Lüksemburqda məktəbdən kənar fəaliyyətlər təklif olunur. “Bir sözlə, valideynlər hesab edirlər ki, Fransa məktəb sistemi kifayət…

Daha çox

Rusiya-Ukrayna münaqişəsində atəşkəs əldə edilə bilsə, BMT bunu alqışlayacaq və atəşkəsin uzunmüddətli sülhə çevriləcəyinə ümid edəcək. SİA xəbər verir ki, bu barədə jurnalistlərə qurumun rəhbəri Antoniu Quterriş məlumat verib. “Şübhəsiz ki, Ukraynada atəşkəsi alqışlayardıq, çünki çoxlu insan həlak olub. Atəşkəs, şübhəsiz ki, müsbət haldır və ümid edirik ki, bu, reallaşacaq və ədalətli sülhə yol açacaq”, – o deyib. Xatırladaq ki, martın 11-də ABŞ və Ukrayna nümayəndə heyətləri Ciddədə (Səudiyyə Ərəbistanı) danışıqlar aparıb. Danışıqların yekununda verilən birgə bəyanatda xüsusilə qeyd olunur ki, Kiyev 30 günlük atəşkəsə və Vaşinqtonla faydalı qazıntılar üzrə…

Daha çox