Qafqaz Xəbər

Türkiyə və Rusiya xarici işlər nazirləri Hakan Fidan və Sergey Lavrov arasında telefon danışığı olub. SİA xəbər verir ki, bu barədə Türkiyənin Xarici İşlər Nazirliyindən bildirilib. Məlumata əsasən, iki nazir İsrail və İran arasındakı münaqişə və bu gərginliyin mümkün qlobal və regional nəticələrini müzakirə ediblər. H. Fidan hadisələrin narahatlıq doğurduğunu və münaqişəyə son qoymağın və İranın nüvə fəaliyyətləri ilə bağlı mübahisənin həllinin yeganə yolunun diplomatiya olduğunu deyib.

“İkinci Dünya müharibəsindən sonra yaranan beynəlxalq təhlükəsizlik sistemi nəinki ciddi böhran vəziyyətinə düşüb, tamamilə çöküb desək daha düzgün ifadə olar. Dünyada baş verən qarşıdurmaların, qırğınların, kütləvi insan ölümlərinin qarşısının alınmasında Birləşmiş Millətlər Təşkilatı artıq rol oynaya bilmir, baş verən bu şiddətin qarşısının alınmasına real təsir göstərə bilmir”. SİA-nın verdiyi məlumata görə, bunu “Yeni dünya nizamı: geosiyasi aspektlər və qlobal çağırışlar” mövzusunda beynəlxalq konfransda çıxış edən Yeni Azərbaycan Partiyası Sədrinin müavini, Milli Məclis sədrinin birinci müavini Əli Əhmədov deyib. Onun sözlərinə görə, yeni dünya nizamının meydana gəlməsi çox ciddi bir reallıq…

Ədalət ümumbəşəri dəyərdir və o, coğrafiyaya, məqsədlərə, maraqlara görə dəyişməməlidir. SİA-nın məlumatına görə, bunu “Yeni dünya nizamı: geosiyasi aspektlər və qlobal çağırışlar” mövzusunda beynəlxalq konfransda çıxış edən Yeni Azərbaycan Partiyasının İdarə Heyətinin üzvü, Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib. Bahar Muradova bildirib ki, Qarabağın işğaldan azad olunması təkcə ərazi bütövlüyünün bərpası deyil, həm də tarixi ədalətin bərpasıdır: “Şuşa bu gün yalnız mədəniyyətin deyil, həm də tolerantlıq və sülh iradəsinin təcəssümüdür. Biz buradan siyasi düşmənçilik yox, siyasi həmrəylik çağırışı edirik”. B.Muradova insan ləyaqətini…

Azərbaycan Respublikasının Müdafiə Nazirliyi ötən həftə paylaşılmış məlumatlar əsasında hazırlanmış icmal videoçarxını yayıb. SİA nazirliyin mətbuat xidmətinə istinadla həmin videoçarxı təqdim edir. https://youtu.be/AnriTqjY2tA?si=-dBDnZfej6UKlrWG

Qırğızıstanın İrandakı səfirliyinin daha bir neçə əməkdaşı Azərbaycan ərazisinə daxil olub Xarici ölkə vətəndaşlarının İrandan təxliyəsi çərçivəsində dövlət sərhədinin Astara sərhəd-keçid məntəqəsindən keçid prosesi davam edir. SİA yerli mənbələrə istinadən xəbər verir ki, Qırğızıstanın İrandakı səfirliyinin daha bir neçə əməkdaşı Azərbaycan ərazisinə daxil olub. Təxliyə olunan şəxsləri Azərbaycan tərəfinin rəsmi nümayəndələri ilə yanaşı, Qırğızıstanın Bakıdakı səfirliyinin əməkdaşları da qarşılayıb. Qeyd edək ki, bəzi xarici ölkələr Azərbaycan hökumətinə müraciət edərək, İranda olan vətəndaşlarının təxliyəsi üçün Azərbaycanın ərazisindən tranzit keçid şəraitində öz ölkələrinə qayıtmasına yardım göstərilməsini xahiş ediblər.