Day: July 27, 2025

Hazırda Serbiya ərazisində açıq ərazilərdə 100-dən çox meşə yanğını aktivdir. SİA xəbər verir ki, bu barədə Serbiyanın Daxili İşlər Nazirliyi məlumat yayıb. Bildirilir ki, ən çox təhlükə altında olan bölgələr Niş, Vranye, Kraquyevaç, Priyepolye, Mali Zvornik, Uyiçe və Kruşevaç şəhərləri yaxınlığındadır. Yanğınların söndürülməsinə ölkənin hər yerindən 500-dən çox yanğınsöndürən və xilasedici, müxtəlif təyinatlı 150-yə yaxın texnika cəlb olunub. Hazırda yanğınsöndürənlər və xilasedicilər tərəfindən müxtəlif təyinatlı 230-dan çox tikili mühafizə olunur. Monteneqro ərazisində baş verən yanğının Serbiya ərazisinə keçmə ehtimalı var. Bu məqsədlə Monteneqronun sərhədindəki Kamena Qoraya doğru yayılan yanğınla əlaqədar…

Daha çox

İyulun 28-i Monteneqroda matəm günü elan olunub. SİA xəbər verir ki, bu barədə Monteneqronun Baş naziri Miloyko Spayiç deyib. O bildirib ki, Monteneqro hökuməti matəm gününü son günlər ölkədə baş verən silsilə faciələr nəticəsində həlak olanların xatirəsinə ehtiram əlaməti olaraq elan edib. “Həlak olanların ailələrinin və yaxınlarının kədərini bölüşürük və onların yanındayıq”, – deyə Miloyko Spayiç qeyd edib.

Daha çox

Fransa və onun Prezidenti Emmanuel Makronun Yaxın Şərqlə bağlı bəyanatlarında qeyri-səmimidir. Parisin əsl məqsədi nə Fələstin xalqına, nə də digər xalqlara dəstək verməkdir. Fransanın əsas hədəfi yeni müstəmləkəçilik siyasətini həyata keçirmək və dünya miqyasında təsir dairəsini genişləndirməkdir. SİA xəbər verir ki, bu barədə Türkiyənin “Milli Gazete” nəşrində dərc olunan məqalədə qeyd olunub. Nəşr Parisin keçmiş müstəmləkəsi olan Niger ətrafında başverən prosesləri misal gətirib. Fransız hərbçilərinin çıxarıldığı bu Afrika ölkəsinin rəhbərliyinə qarşı Makronun açıq şəkildə işğalla hədələdiyi, “Paris Fransa vətəndaşlarının və ölkənin maraqlarına zərər verilməsinə imkan verməyəcək” deyə bəyan etdiyi qeyd…

Daha çox

Rusiyanın Türkiyədə inşa etdiyi “Akkuyu” AES-in ətrafı meşə yanğınları ilə əhatə olunub. SİA yerli mənbələrə istinadən xəbər verir ki, Rusiya aviasiyası səhər saatlarından etibarən yanğınları söndürmək üçün Be-200 təyyarələri və Mi-8 helikopterlərindən istifadə edir. Ərazidə 10 mindən çox Rusiya vətəndaşı işləyir və onlar stansiyanın tikintisində iştirak edirlər. Yanğınlar nəticəsində insan tələfatının olub-olmaması ilə bağlı məlumat verilmir.

Daha çox

Tailand və Kamboca arasında güclü yağışlar səbəbindən məcburi atəşkəs elan olunub. SİA xəbər verir ki, “Nation” qəzeti məlumat yayıb. “Quru qoşunlarının əməliyyat komandanlığı münaqişə zonasında leysan yağışları səbəbindən döyüş əməliyyatlarının müvəqqəti dayandırıldığını bəyan edib”, – nəşr qeyd edib.

Daha çox

Türkiyənin Bursanın Gürsu və Kestel rayonları arasındakı meşəlik ərazidə yanğın baş verib. SİA xəbər verir ki, bu barədə “Haberler” qəzeti məlumat yayıb. Küləkli hava şəraiti səbəbindən magistral yola çatan alov yerli sakinlərin evlərini təhdid etməyə başlayıb və bu səbəbdən Gürsuya aid Karahıdır rayonundan insanların təxliyyə edilməsinə qərar verilib. Onların idman kompleksində yerləşdirilməsi planlaşdırılır. Yanğının yaşayış sahələrini təhdid etdiyi, Karahıdır və İğdır kəndlərinin alov içində olduğu bildirilir. Hadisə yerinə Meşə Təsərrüfatı İdarəsinin qrupları və yanğınsöndürənlər göndərilib. Yanğının söndürülməsinə könüllülər də kömək edir. Yerli hakimiyyət sakinlərdən hökumətin xəbərdarlıqlarına əməl etməyi və lazımi…

Daha çox

“Ötən günlərdə üçüncü raundunu tamamladığımız Rusiya-Ukrayna danışıqlarının əsas gündəm maddələrindən biri də liderlərin bir araya gətirilməsi idi. Bu günə qədər danışıqlar humanitar, atəşkəs və liderlərin görüşü olmaqla 3 əsas istiqamətdə aparılır. Hər görüşdə daha çox əsirin, yaralının və məhkumun dəyişdirilməsi ilə bağlı razılığa gəlinir. Hazırda liderlərin görüşünün vaxtı və formatı ilə bağlı danışıqlar davam edir”. SİA xəbər verir ki, bu fikirləri Türkiyənin xarici işlər naziri Hakan Fidan İstanbulda keçirilən Balkan Sülh Platformunun birinci toplantısından sonra mətbuata açıqlamasında bildirib. Balkan Sülh Platformunun iclası haqqında danışan nazir bildirib ki, toplantıda ölkələrin Avropa…

Daha çox

“Alman Dəmir Yolları” (“Deutsche Bahn”) şirkətinə məxsus şəhərlərarası sürət qatarı texniki nasazlıqla əlaqədar beş saat Vyana yaxınlığında tuneldə qalıb. SİA yerli mediaya istinadla xəbər verir ki, qatarda olan 400 nəfər bu müddətdə tuneldə gözləməli olub. Sərnişinlər yalnız axşam saatlarında ehtiyat qatara keçə biliblər. Günorta saatlarında Hamburqdan hərəkətə başlayan qatar 17 dəqiqə sonra texniki nasazlıq nəticəsində tuneldə qalıb. Mühəndislər əvvəlcə qatarı tuneldən çəkmək istəsələr də, bu, mümkün olmayıb. Buna görə də sərnişinlərin ehtiyat qatara köçürülməsi qərara alınıb. Hadisə nəticəsində xəsarət alanın olub-olmaması barədə məlumat verilməyib.

Daha çox