…Polşanın baş naziri Donald Tusk bazar ertəsi, sentyabrın 22-də bəyan edib ki, əgər uçan obyektlər onu pozarsa, ölkəsi hava məkanını qətiyyətlə müdafiə edəcək.
SİA-nın məlumatına görə,RMF24 onun sözlərini sitat gətirir.
Rusiyanın NATO hava məkanını pozmasının artması fonunda Tusk bəyan edib ki, Polşa “şübhəsiz ki, uçan obyektlər ərazimizi pozarsa və Polşa üzərindən uçarsa, onları vurmağa qərar verəcək”.
…Burada müzakirəyə yer yoxdur, – hökumət başçısı bildirib. Tusk vurğuladı ki, Polşa həmişə qətiyyətlə cavab verəcək, lakin “tamamilə aydın olmayan” vəziyyətlərdə, Polşa ərazi sularından kənarda insidentlər baş verdikdə, qərarlar xüsusi ehtiyatlılıq tələb edəcək.
…Biz tamamilə aydın olmayan situasiyalarla məşğul olanda, məsələn, Rusiya qırıcılarının Petrobaltik platforması üzərindən bu yaxınlarda uçuşu – bu, pozuntu olmasa da, bizim ərazi sularımız deyil – münaqişənin çox kəskin mərhələsinə səbəb ola biləcək tədbirlər görməzdən əvvəl diqqətlə düşünməliyik, – o qeyd edib.
Eyni zamanda, baş nazir vurğulayıb ki, Polşa müttəfiqləri ilə daimi məsləhətləşmələr əsasında hərəkət edir və “bizi təhdid edə biləcək bütün obyektləri məhv etməyə yönəlmiş istənilən qərara” hazırdır.
…Ancaq mən 100 faiz əmin olmalıyam ki, müttəfiqlərimiz buna bizim kimi baxacaqlar, əgər münaqişə çox kəskin fazaya keçərsə, biz tək olmayacağıq, – Tusk vurğulayıb.
Əli Babayev
